Nina qallu piwi churintam marqaripakullachkani huk kutitawanñitisqa kananrayku. Chaymi, iskay kimsa rimayta qatichikullasaq qillqaqninmanta hinallataq sapa rapinpi harawiyninkuna nana nanaq chaniyuq kasqanmanta.

Qichwasimipa sunqunmanta paqarimuspanmi, Perú suyunchikpi llapan mamasimikuna rimaqta minkakun yachayninku qillqasqa kananpaq-aswanqa kunan watakuna-tiqsimuyuntinpi wawarimayninchik hatarinanrayku, chaninchayninchikpas chiqatapuni qispinanpaqta. Yachasqam wiñaymantapacha, runasiminchikpi harawi qillqaqkunapa unanchasqankuqa pisilla likasqa,wakinqa pakasqahina kasqan.

Anchapas hamutayman tanqallawanchick kaynaniraq usuchinakuypi,manaña runahina kawsasqanchickmanta, runakayninchik waqllisqa kasqanmanta,muspaypihina runayayninchikpas manakikinchasqataq kasqanmanta ima. Wakin rimariyninpiqa waqarikuymantaqhina, llakiymantaqhina, sunqu nanaymantaqhina, iskayrayaymanpas urmachillawanchicktaq. Chayna kaspa, karmaqtapuni pisirikusqaykiraykum tukuy sunqhywan, ancha kusikuywan yapamanta paqarinaykipaq churapakamuni.

Gavina Felicitas Córdova Cusihuaman